RECOMENDACIÓNS LECTORAS PARA O VERÁN

 PROXECTO ANUAL DA BIBLIOTECA

2º e 3º TRIMESTRES

Estes son algúns dos traballos realizados polo alumnado a partir dos cales conseguiron aprender e entender as épocas Antiga e Media.

 DÍA DAS LETRAS GALEGAS

O mércores 21 de maio celebramos o día das Letras Galegas co tradicional feirón. Tendo en conta que este ano se adicaba ás cantareiras, a rapazada foi rotando polos distintos postos: manualidades, marcapáxinas, xogos, baile tradicional, elaboración de instrumentos musicais, análise de información das homenaxeadas e, por suposto, non podía faltar un posto de degustación de empanadas e bica.

 

         DÍA DO LIBRO

No Día do Libro (23 de abril) levamos a cabo o apadriñamento lector, no cal o alumnado dos cursos superiores lles leu contos aos compañeiros/as de Infantil, 1º e 2º de Primaria.

Para completar esta celebración, a autora Celtia Figueiras visitou o centro para falarnos dos seus libros, especialmente daqueles que os nenos e nenas dende Infantil ata 4º de primaria leran e traballaran na aula.

 LIMPEZA DE PRAIAS

O xoves 27 de marzo, todo o alumnado colaborou na limpeza de praias dentro do proxecto de Voz Natura. Dende Infantil a 2º de Primaria recolleron lixo da praia de Mañóns, mentres que de 3º a 6º foron á praia de Carragueiros. Deste xeito, a rapazada puido concienciarse sobre a importancia da reciclaxe e dos efectos que ten a contaminación no noso medio. Algúns dos obxectos atopados foron unha táboa do ferro de pasar, vidros, toalliñas húmidas...

 OBRADOIROS CON AMICOS

 DÍA DA POESÍA

Cada grupo fixo un acróstico a partir dunha palabra relacionada coa Historia, que é o tema do proxecto da biblio deste curso.