NADAL

 Que mellor forma ca rematar o trimestre cunha festa por todo o alto! O venres 19 asistimos ao colexio vestidos para a ocasión e realizamos diversas actividades. Ao remate das mesmas celebramos as doce badaladas e brindamos polo 2026!

 

ACHÉGASE O NADAL

Ao longo deste curso o proxecto de biblioteca que levamos a cabo ten o título "Co cine e a televisión, a acción chega a Cespón". Neste primeiro trimestre investigamos sobre a historia do cine e diversos aspectos sobre a súa produción. Cada ciclo encargouse da elaboración dun apartado para logo facer unha posta en común.

Por outra banda, de cara ao Nadal elaboramos unha árbore con material de refugallo e adornámolo con motivos navideños e de cine. Remataremos o trimestre venres 19 cunha festa rachada.

RECOMENDACIÓNS LECTORAS DE NADAL 

 TAUMATROPOS

Aproveitando que neste primeiro trimestre andamos investigando sobre as orixes do cine, o alumnado realizou uns fermosos taumatropos na área de Plástica bilingüe. Este xoguete óptico marca o inicio do cine ao crear a ilusión do movemento con imaxes estáticas.

 25 N

Como cada 25 de novembro conmemorarmos o Día contra a violencia de xénero. Nesta ocasión, xuntámonos todas as aulas para escoitar o manifesto elaborado polo alumnado de 6º e logo cantamos a canción "Non son fada" de Ses. 

Os días previos realizamos un mural baixo o lema: "Sempre libres, sempre vivas" formado por bolboretas con mensaxes de liberdade, tamén cada neno/a levou para as casas un ramillete da flor sempre viva, moi relacionada co tema tratado.

MAGOSTO 

O xoves 20  celebramos o tradicional magosto. Ao longo da semana cada aula foi preparando os seus recipientes relacionándoos co proxecto anual da biblioteca (o cine), e o día propio da celebración comezamos con degustación de castañas aportadas polas familias para continuar con xogos tradicionais: pano, relevos, bomba, encesta a castaña, paracaídas...

                                                                  SAMAÍN 

O xoves 30 de outubro celebramos o Samaín na escola, foi unha xornada de cine, disfraces, lecturas e historias de medo, decoración de corredores e sobremesas terroríficas aportadas polas familias. Aproveitamos tamén, en relación co proxecto da biblioteca, de presentarlles a cabaza Ruperta, famosa polo programa "1,2,3 responda otra vez".