Dr. Sonia Villapol.

Boas de novo! 

Seguimos presentando traballos relacionados co proxecto de biblioteca deste ano. Neste caso, son os nenos e nenas de 1º de Primaria os que estiveron enredando coa ciencia. 

Concretamente investigaron á:

Dra. Sonia Villapol Salgado

Neurocientífica galega afincada en Houston que anda na procura de tratamentos para danos cerebrais.

E fixeron este bonito mural con toda a información! Parabéns rapazas e rapaces! Bo traballo!

Mulleres inventoras

 

 

Hoxe pasámonos por aquí para amosarvos o fantástico traballo que realizaron os máis pequenos do cole.  Recordar que o noso proxecto de biblioteca deste ano trata sobre a ciencia e ten por título: "Coa ciencia experimentando, imos enredando". 

No segundo trimestre o alumnado investigou sobre algunha científca e os seus inventos e descubrimentos. 

O alumnado de 3 anos investigou e descubriu un montón de inventoras! E elaboraron este fermoso mural. Grazas rapazada por compartir con todos e todas o voso traballo!

Esperamos que vos guste!

FIGURAS OCULTAS

Hidden Figures é un filme biográfico estadounidense de 2016 dirixido por Theodore Melfi e escrito por Melfi e Allison Schroeder. Está baseado no libro de non ficción do mesmo nome de Margot Le Shetterly. Taraji P. Henson no papel de Katherine Johnson é unha matemática afroamericana que calculou as traxectorias de voo do proxecto Mercury e o voo á Lúa do Apolo 11 (1969). No filme tamén participan Octavia Spencer, Janelle Monáe, Kevin Costner, Kirsten Dunst e Jim Parsons. O filme estreouse nos Estados Unidos de América o 25 de decembro de 2016. En España a estrea produciuse o 20 de xaneiro de 2017 coa dobraxe en castelán (Figuras ocultas)[4]. As tres mulleres conseguen converterse nas primeiras mulleres afroamericanas en alcanzar metas ata entón imposible. Ademais do xa citado logro de Katherine Johnson, cómpre salientar que Dorothy Vaughan conseguiu ser a primeira supervisora dos servizos de IBM na Axencia, mentres que Mary Jackson se converteu na primeira muller en ser enxeñeira aeroespacial dos Estados Unidos.