lunes, 29 de noviembre de 2021

MURAL: O OUTONO

 Promovido polo Equipo de Dinamización da Lingua xunto coa Biblioteca Avelaiona Luíña realizouse na entrada do centro un mural colectivo en torno ao OUTONO: 

                - o mel                                    - a vendima                -os cogomelos                   

              - a migración das aves            - o magosto   


    

     

domingo, 28 de noviembre de 2021

PROXECTANDO BOIRO: PERSOAS DESTACADAS

Dentro do Proxecto Anual da Biblioteca: " PROXECTANDO BOIRO" o alumnado de 2º convidou a un exalumno do centro: Javier Torrado Martínez para ter un encontro con el.
O alumando de 2º está traballando para  coñecer e PROXECTAR  persoeiros famosos de Boiro.
 
E... quen é Javier Torrado? 
É un famoso taekwondista nacional e internacional. Gañou varias medallas e agora desempeña a súa labor dando clases nun ximnasio de Boiro.
Javier amosulles un vídeo de diversas competicións nas que el participou e estivo realizando movementos e técnicas deste deporte coa rapazada. O alumndo quedou encantado coa súa visita.

PARABÉNS, JAVIER! MOITAS GRAZAS POLO TEU BO FACER!

CLICA NAS IMAXES! E VERALAS CON MÁIS NITIDEZ.









VISITAMOS A ESCOLA DE MÚSICA

O alumnado de 3º e 4º visitan a Escola de Música de Boiro. Alí o mestre Gabriel, Xoán e Ketty, mestres e mestra da escola de música fan un percorrido co alumnado polas distintas aulas e amósanlles os distintos instrumentos, con extraordinarias explicacións de como é o funcionamento de cada un deles. 

O alumnado probou nos instrumentos de percusión, xa que nos demais por protocolo COVID, no o podían facer.

O alumando quedou marabillado coa habilidade do mestre Gabriel que fixo un alarde de mestría en variados e diversos instrumentos.

A mestra de piano Ketty, amosoulles o piano por dentro, desmontándoo en  parte, para que entendesen o funcionamento por dentro. Tamén tiveron a oportunidade de facelo soar.

Pola súa parte, o profe Xoán recibiunos nas instalacións da banda de música de Boiro. Ao igual que aos anteriores, amosou a súa valía tocando variados instrumentos.

Aproveitando esta visita, tamén nos acompañaron a ver as instalacións que a Cruz Vermella ten no Centro Social.

Moitas grazas pola invitación! Foi unha saída moi interesante e entretida!



lunes, 22 de noviembre de 2021

E CHEGA DE NOVO...O TEATRO, OS TÍTERES,...!

Por fin! De novo volvemos a casa da cultura Ramón Martínez López de Boiro.

Xa botabamos de menos estas saídas. 

O 16 de novembro de 2021 o alumnado de 4º e 5º acudiu para visualizar a obra de teatro DA COMPAÑÍA  O CUBO: "NINGURES". A través do humor , a danza, ...trasládanos ao valor da amizade.

O 17 de novembro de 2021 foi o alumnado de 1º, 2º e 3º . Teatro Babaluva : "Tita un espectáculo sobre a intelixencia" unha montaxe de teatro con monicreques sobre a intelixencia emocional e a súa importacia na infancia




lunes, 15 de noviembre de 2021

O MAGOSTO

O EDLG xunto coa biblioteca avelaiona Luíña propuxeron a realización por clases, dunha cartolina onde se recollerán diversos temas en torno ao magosto: a orixe, refráns, vocabulario, receitas,..

Acende o altofalante para gozar da canción do magosto "TRECE LÚAS"  da Asociación de Gaiteiros Galegos.





MAGOSTO, 2021

O venres, 12 de novembro celebramos o magosto. O alumnado aportou as castañas e a leña (GRAZAS FAMILIAS).

Separados por grupos-aula degustaron as ricas e saborosas castañas asadas e posteriormente realizamos xogos: a corda, ao pano, construcións con carozos, xogo da ra,..

Recordamos algúns deses momentos vividos no seguinte vídeo




domingo, 7 de noviembre de 2021

EXPOSICIÓN: OS VOLCÁNS

Daniela e Tais de 6º de primaria prepararon unha interesante exposición sobre os volcáns. 
Para respectar o protocolo COVID ( en cuestión de afora), invitaron aos/ás seus compañeiros e compañeiras de 4º e 5º de primaria á biblioteca do centro.
PARABÉNS!