PISAPAPEIS CARLOS CASARES

Unha actividade máis enmarcada no Mes das Letras foi a elaboración de pisapapeis na que destacaba a figura da Galiña Azul. Outras titorías,  decantáronse por decorar as pedras con animais seguindo o Proxecto da Biblioteca.

 

 

SAÍDAS CULTURAIS

Este curso todas as saídas culturais de maio foron organizadas tendo en conta o Proxecto anual da biblioteca: OS ANIMAIS

. O alumando de 1º e 2º visitou o Acuario de O Grove, paseou en catamarán e o gozou coas vistas desde o  mirador do monte Siradella.

. O alumnado de 3º e 4º visitou o museo de historia natural de Santiago e a exposición "Da árbore a cadeira".

.O alumando de infantil achegouse a pasar unha gran xornada á granxa escola Bergando en Negreira.

(En breve subiremos as fotos á paxina web do centro)
 

COMEDEIROS PARA PAXAROS

E seguindo co Proxecto anual sobre os animais e en colaboración coas actividades de Voz Natura o alumnado de 5º B e 2º de primaria elaboraron uns comedeiros para paxaros, que penduramos das árbores dos xardíns. Nas seguintes fotos podedes observar, por exemplo, o proceso de elaboración dos comedeiros do alumnado de 2º.  No caso do alumando de 5º B as familias colaboraron na súa confección.

Moi fermosos!  PARABÉNS!
 

 

NA PROCURA DE INFORMACIÓN

Como xa viñemos anunciando despois da excelente acollida da exposición sobre a bolboreta monarca, neste caso continuamos coa segunda exposición do curso: "GALICIA BIODIVERSIDADE". Son 18 paneis explicativos sobre a flora e a fauna de Galicia con fermosas ilustracións: especies en perigo de extinción, curiosidades das nosa plantas e animais...e a acción humana, non sempre positiva cara a estas marabillas da nosa contorna. O alumnado xa comezou este fascinante percorrido, buscando información, ampliando o seu vocabulario,..

 

 

 

GALICIA, BIODIVERSIDADE!

Nova exposición sobre a fauna e flora galegas!!!

ANIMAIS DAS FRAGAS GALEGAS

O alumnado de 3º de primaria realizou  procuras de información para elaborar diversos traballos sobre animais das fragas galegas: o raposo, o lobo, o esquío, o grilo,... Esta información, xa foi exposta de xeito oral aos compañeiros e compañeiras do curso. Neste segundo trimestre recolleremos esta información en vídeos e visitarán distintos cursos presentando as curiosas características dos animais traballados.
Para ler pon a pantalla en grande na marxe inferior dereita,  no cadrado.


 

                

OS ANIMAIS NAS ÉPOCAS FRÍAS

E seguimos investigando sobre os animais. Chegamos ao tempo frío e algúns animais cambian a súa forma de vida. Pincha no cartel para acceder á nova proposta. ADIANTE!

 

O NOSO SLOGAN

E despois de pensar e pensar slogans, presentalos,... e consensuar cal nos convencía máis, o alumnado xa o ten claro. ESTE É O SLOGAN DO PROXECTO ANUAL QUE NOS ACOMPAÑARÁ EN MOITAS DAS ACTIVIDADES!!!

OPERACIÓN MONARCA

Como ben nos recorda o slogan deste Proxecto: "Sobre os animais imos falar  e Luíña váinolos presentar", comezamos coa presentación da bolboreta monarca. A través da fundación CEIDA recibimos cinco grandes paneis cargadiños de interesantísima información e moitas ilustracións. Agora tócanos a nós informarnos. Hoxe, dúas alumnas (Nicole e Alexandra) e un alumno (Raúl) de 5ºB xa estiveron avanzando información e expoñéndoa para o alumnado de 3º.

MOITAS GRAZAS!!!!

 

 

BENVIDAS E BENVIDOS AO NOVO CURSO!

Xa estamos de volta. Luíña xa nos ten varias actividades preparadas. Este curso quere compartir con nós moita información sobre os seus familiares: O MUNDO DOS ANIMAIS! Como ben sabedes xa estamos á procura do solgan. Adiante !!!!!