NOVEMBRO; MES DA CIENCIA

Comezamos o mes da ciencia recibindo a maleta de "Ciencias" das Bibliotecas Escolares. Ao longo do mes realizaremos lecturas e investigacións nos seus libros.

 SAMAÍN

O martes 27 disfrazámonos para o Samaín. Comezamos elaborando sobremesas nas aulas para continuar coa súa degustación no recreo e contacontos de medo na Hora de Ler. Tamén tivemos exposición de cabazas, photocall e enterro dos nosos medos para posteriormente pola tarde continuar coa degustación en familia e desfrutar do acendido de cabazas e o terrible túnel do terror.

24 DE OUTUBRO

DÍA DAS BIBLIOTECAS ESCOLARES

O 24 de outubro celébrase o Día das Bibliotecas Escolares. No noso centro sempre é un día que serve de punto de partida do noso PDI e de inicio das mochilas viaxeiras. Dado que este ano o slogan das bibliotecas é: da información ao coñecemento, convertémonos en exploradores para lembrar as distintas seccións da nosa biblioteca. No caso de acertar, atopabamos pezas de puzzles para formar o noso mural conxunto. En breve, comezaremos con actividades do noso proxecto.

PUZZLE COOPERATIVO

E PASATEMPOS

Organizamos un novo recuncho na nosa biblioteca Avelaiona Luíña, no cal teremos un puzzle que poderemos ir montando entre todos e todas, tamén organizamos outro espazo onde poderemos atopar pasatempos, sopas de letras, encrucillados...

ESPAZO LEGO

Entendendo a biblioteca como lugar de lecer, incorporamos un novo espazo; un recuncho para a creación e montaxe con legos.

 

 NOVO CURSO

Benvidos e benvidas a un novo curso cheo de novos proxectos e ilusións!

O alumnado de 5º e 6º están argallando o slogan para o noso proxecto anual de biblioteca. A finais de mes contámosvos!

Esta semana xa comezamos a poñer en marcha o carriño bibliopatio con xogos e lecturas variadas.

 FIN DE CURSO

Como remate final do proxecto anual da biblioteca " Co cine e a televisón, a acción chega a Cespón", o xoves 18 todo o centro desprazarémonos ao cine de Ribeira para desfrutar do estreno da película TOY STORY  5.

Vémonos para o vindeiro curso cun novo proxecto de biblioteca e máis actividades! Bo verán!