FIN DE CURSO

Como remate final do proxecto anual da biblioteca " Co cine e a televisón, a acción chega a Cespón", o xoves 18 todo o centro desprazarémonos ao cine de Ribeira para desfrutar do estreno da película TOY STORY  5.

Vémonos para o vindeiro curso cun novo proxecto de biblioteca e máis actividades! Bo verán!

 PREMIO LITERARIO

E que mellor forma de rematar o curso que cun premio literario, neste caso  da Agrupación Cultural O Facho. A afortunada foi Daniela Piñeiro de 5º de Primaria que quedou no segundo posto. Parabéns, Daniela, pola túa obra e continúa creando novas historias!

 LETRAS GALEGAS

O venres 15 de maio celebramos o tradicional feirón das Letras Galegas, dedicadas este ano a Begoña Caamaño.  Disfrutamos co baile e música das pandereteiras da escola e continuamos con talleres de manualidades, de marcapáxinas, de pasatempos, contacontos, xogos e por suposto degustacións. Todo isto relacionando cada posto coa autora homenaxeada. A festa estivo asegurada!

 DÍA DO LIBRO

O 23 de abril conmemorouse o Día do Libro, no Ceip Cespón adicámoslle toda a semana con diversas actividades. Por unha banda, cada aula gozou coas "Lecturas polo planeta" da maleta literaria emprestada polo CEIDA para logo o xoves realizar unha busca do tesouro nos libros. Por outro lado realizamos un recuncho de Lendo en familia, onde pegamos fotos do alumnado nun intre de lectura cunha persoa da súa familia. E para rematar, algunhas nais de nenos/as do centro contaron un conto na Hora de Ler. Dende logo foi unha semana moi dinámica e entretida chea de saber. Grazas familias!

NOVO MOBILIARIO

Estes días recibimos novo mobiliario grazas á dotación do PLAMBE, trátase de dous andeis que irán dirixidos ao material lúdico co que contamos na nosa biblioteca. Esperamos que deste xeito consigamos telo máis organizado.

 MALETA LITERARIA

Xa chegou ao centro a maleta literaria chea de "contos para un planeta", os cales nos enriquecerán ao longo do mes de abril; mes do libro. Xa iremos contando máis cousiñas.

DÍA DE CINE 

Como remate de trimestre, organizamos sesións de cine e o alumnado dos distintos ciclos viu unha película, por suposto non podían faltar as palomitas. Seguimos deste xeito co proxecto anual da biblioteca.