PERE TOBARUELA

 Este venres, tivemos unha visita moi especial no CEIPP de Cespón. Pasamos unha mañá moi entretida con Pere Tobaruela: autor de máis de 50 obras, que escribe en Catalán, Castelán e Galego.

Grazas Pere Tobaruela. No noso centro, sempre serás ben recibido !

 

 

  

 

 

VISÍTANOS O AUTOR RIVEIRO COELLO

O autor Riveiro Coello visita a biblioteca Avelaiona Luíña para reunirse co alumnado de 5º e 6º .

Despois da lectura do libro "A VOZ DO LAGO", o alumnado  tivo a oportunidade de intercambiar ideas e opinións con este estupendo autor,  afincado dende fai anos no noso concello.

Esta actividade está enmarcada dentro da celebración do DÍA DO LIBRO.

PABLO NOGUEIRA NA BIBLIOTECA

Pablo Nogueira visitou a nosa biblioteca para atoparse co alumnado de 1º e 2º de primaria. Despois de ler o seu libro "NUBE BRANCA" , o alumnado tiña moito interese en coñecelo e falar da fermosa historia que narra no seu libro: "Unha nena india chamada Nube Branca quería viaxar ao espazo. Pediu axuda aos amigos, pero non o conseguiu. Finalmente, o sabio Octavio deulle a solución...

O alumnado realizou un fermoso mural colectivo e recibiu ao autor cunha pluma de india  nas súas cabezas.  XENIAL  IDEA!   PARABÉNS!

 

ULA LÚA? CELTIA FIGUEIRAS EN INFANTIL

A autora Celtia Figueiras escenificou coa axuda duns vistosos títeres a historia do libro "ULA LÚA?" para o alumnado de infantil. Coa axuda de distintos paisaxes creados cunha estupenda montaxe captou toda a atención do alumnado.

 

 

MARCOS CALVEIRO VISITA A BIBLIOTECA

O alumnado de 5º e 6º tivo un encontro co autor Marcos Calveiro. O libro que traballaron foi "Palabras de auga":  unha viaxe cara ao interior do continente africano e da súa cultura,...un relato emocionante, cativador e conmovedor.

 

 

ANXO MOURE CO ALUMNADO DE INFANTIL

Risas, emocións e moita moita... participación do alumnado...en todas as historias que o gran Anxo Moure lles contou ao alumnado de infantil. Tan só con mirar as súas cariñas vemos o gran momento que viviron.  Historias cargadas de amor e de respecto cara á Natureza. PARABÉNS!

 

ANXO MOURE NA BIBLIOTECA AVELAIONA LUÍÑA

Chegou o gran día. Chegou Anxo Moure á nosa Biblioteca. Chegou o home que abraza as árbores,  o home que fala cos ríos...chegou unha extraordinaria persoa, ecoloxista, contacontos...

Foi una charla moi didáctica, entretida, divertida. ANXO MOURE posúe uns excelentes dotes para captar a atención das nenas e dos nenos, para engaiolalos coas súas historias de amor pola natureza. Cantou co alumnado de 1º, 2º e 3º  tres karaokes de Caramulo, Salgadiña e Coureliña. PARABÉNS POLA GRAN LABOR!
 

 

PREPRANDO A VISITA DE ANXO MOURE

O alumnado de infantil leu coas titoras e a familia o libro de Anxo Moure "Salgadiña, a estrela de Fisterra". As nenas e nenos de 1º e 2º de primaria leron "Caramulo" e o alumnado de 3º elaborou un vídeo no que contaban os contos de Anxo Moure, deixaban as súas ideas sobre a gran actividade deste amante da natureza. Preparamos tamén tres karaokes coas cancións de Caramulo, Salgadiña e Coureliña. Realizamos un mural colectivo e contamos coa axuda das familias do alumnado de 2º que nos enviaron uns fermosísimos cabaliños de madeira. Todo isto para estar informados e preparar a tan esperada   visita do autor á nosa biblioteca.


 

HÉCTOR CAJARAVILLE NA BIBLIOTECA AVEALIONA LUÍÑA

PREPARANDO A VISITA DE HÉCTOR CAJARAVILLE. "QUEN DÁ A QUENDA?"

O xoves 6 de abril estará na nosa biblioteca Avelaiona Luíña o escritor Héctor Cajaraville. O alumnado de 4º, 5º e 6º estivo lendo e traballando o seu libro "Quen dá a quenda?". O alumnado de 5º B plasmou por escrito un resumo con ilustracións dos distintos relatos do libro, traballou o vocabulario (aquí o vemos pendurando de nubes), elaborou poemas e sobre todo gozou da lectura compartida deste fermoso libro...Observade o gran traballo levado a cabo! PARABÉNS NENAS E NENOS POLO GRAN ESFORZO E POLA BOA ACOLLIDA DESTA ACTIVIDADE! (Para ver mellor as fotos cliquea abaixo á dereita, no cadrado)

 

 

ENCONTRO CON MANUEL RIVAS

O alumnado de 3º trala lectura do libro "A mestra e o raposo" acudiron á Casa de Cultura  "Ramón Martínez López" de Boiro para asistir ao encontro co escritor Manuel Rivas.