Samaín no CEIPP de Cespón

Boas de novo! Pasámonos por aquí para compartir con vós un vídeo da nosa festa do Samaín. 

Premede só se vos atrevedes! 😈😝

Música: "O Samaín". Do grupo "Uxía Lambona e a Banda Molona".

 

Contacontos terroríficos polo Samaín!

Esta semana, continuamos conmemorando o día das bibliotecas, cun montón de contacontos de Samaín. Esta vez, os protagonistas foron os nosos alumnos e alumnas. Gozaron moito dramatizando historias de pantasmas, bruxas, esqueletos, cabaciñas, lobos... e outros bechos estranos.

Moitas grazas a todas e todos! 

Fixéstedelo de medo!

Música do vídeo: "Imos contar un conto" de Pablo Díaz

Aquí deixamos a nosa selección de historias terroríficas: 

-         A casa da miña avoa (alumnado de 3 anos)

-         Corre, corre cabaciña (alumnado de 4 anos)

-         Un becho estrano (alumnado de 5 anos)

-         Unha pantasma con asma (1º de primaria)

-         Raquel ten medo (2º de primaria)

-         A estraña visita (3º de primaria)

-         A min non me comas (4º primaria)

-         O zombi (5º de primaria)

-         A figueira de Pelostortos (6º de primaria)

 

SAMAÍN, 2021

 Despois do parón do curso pasado, retomamos con moita ilusión as actividades relacionadas coa celebración das nosas festividades.

 Neste caso, unha  moi desexada polas nenas e nenos: O SAMÁIN!

SAMAÍN , 2021

 Xa peta a porta o Samaín! 

Este ano ímolo festexar con moita ilusión: disfraces, cabazas decoradas, ...

E a nosa amiga Luíña proponnos facer caligramas de medo...LEDE A PROPOSTA E...

 A IMAXINACIÓN AO PODER

 

SAMAÍN, 2020

Este ano debido á pandemia non podemos celebrar, como en anos anteriores todas estas festividades. Xa está chegando o SAMAÍN: bruxas, vampiros, pantasmas, mosntros,..acompañaránnos nesta FESTA tan especial.

Lede a nosa porposta. Seguro que vos vai encantar. MANS Á OBRA!!!!

 

PREME NA IMAXE! COIDADO COAS CRIATURAS TERRORÍFICAS!

 

 

 

INTERCAMBIO LECTURAS: TERCEIRO/CUARTO

O alumnado de terceiro e cuarto intercambian lecturas de medo.

 

SEXTO: CONTOS DE MEDO. SAMAÍN, 2019

O alumnado de 6º contoulle os seus relatos de medo aos nenos e nenas de 1º e 2º. Fixérono na biblioteca e coa axuda da pantalla para que resultase máis visual e   mostar en detalle as súas fantasmagóricas ilustracións.
 

 

 

REGALAMOS HISTORIAS MEDO

O alumnado de primeiro e segundo xa levaron a cabo o intercambio de lecturas do Samaín. Despois de elaborar terroríficos contos de medo, ateigados de vampiros, fantasmas, morcegos...SEGUNDO acudiu á clase de primeiro para lerlle as historias. Acto seguido,  PRIMEIRO devolve a visita, neste caso á clase de segundo, para enchelos de medo coas súas HISTORIAS DO SAMAÍN.

 

 

FESTA DAS CABAZAS: SAMAÍN, 2019

Estás buscando as fotos das cabazas? Gustaríache ver os disfraces?

ENTRA NA PÁXINA WEB DO CENTRO !!!

FONDOS SAMAÍN

Cada curso visitou a exposición dos fondos relacionados co SAMAÍN. Visualizaron libros de recente incorporación á biblioteca e outros xa coñecidos, pero moi apreciados por esa estraña sensación de medo, arrepío, calafríos,...que producen. Toda unha reunión de meigas, vampiros, zombis, pantasmas, esqueletos...no corredor que comunica coa biblioteca.

Pois tal e como nos propoñían desde a biblioteca, una vez visualizados e recordados os misteriosos personaxes...agora tócanos a nós: o alumnado. É HORA DE ESCRIBIR O NOSO CONTO DE SAMAÍN, no que mesturaremos moitos destes personaxes,  nunha arrepiante  historia que poñerá os pelos de punta...

 

 

PROPOSTAS PARA O SAMAÍN

 

LECTURAS DE MEDO: SAMAÍN

Desde  a Biblioteca propuxemos a lectura de libros de temática desta festividade : O SAMAÍN. Tamén podían realizar actividades lúdico-didácticas sobre a exposición destes libros.

 

 

Samaín

Tremendo Samaín se celebrou no CEIP Cespón! Tivemos contacontos, obradoiros de animación á lectura, exposición de cabazas (calacús), exposición de libros de medo, actividades con libros, elaboración e degustación de sobremesas terroríficas e ata unha festa de halloween coa teacher. Vaia troula! 

 

O ALUMNADO VISITA A EXPOSICIÓN DE LIBROS DE MEDOOOOOOO!

Durante toda a semana o alumnado das distintas titorías achegáronse á entrada da biblioteca para manexar os libros relacionados co Samaín e á vez realizar unhas actividades propostas pola Equipo da biblioteca.
 





 

 

SAMAÍN, 2017: CABAZAS DE ANIMAIS

Andas na procura da túa cabaza do Samaín? Recorda que na páxina web do centro as poderás ver todas!! Aquí so deixamos un petisco da fermosa festa das cabazas. Aínda que a temática deste ano era libre,  moitas familias seguiron facendo un "guiño" ao tema do Proxecto da Biblioteca: "Os animais".

 

 

QUEN DIXO MEDO?

Levamos a cabo una recompilación e exposición de fondos de libros de meigas, monstros, vampiros, cemiterios,...titulada QUEN DIXO MEDO? O alumnado visitou esta exposición para realizar unhas actividades moi moi terroríficas. Ata a nosa mascota Luíña  puxo o seu disfrace de pequena demoña!!!

 

ANIMAIS NO SAMÁIN

Queremos agradecer ao alumnado e as súas familias a participación e a  colaboración para a celebración do Samaín, 2016. Deixámosvos aquí no blog da biblioteca,  unha mostra das cabazas-animais (tartarugas, cebras, leóns, ras, avelaionas, gatos, cobras,...) que quixeron acompañar a Luíña neste día tan especial.

Informarvos que podedes ver todas as cabazas na páxina web do centro.

CONTOS DE MEDO

Contos de Medo: libro elaborado a partires dos contos realizados polas diferentes aulas e nos que o medo, o terror, os monstros, os vampiros, as meigas,...son os/as protagonistas.

A

Libro DE CONTOS from lolaiglesias

SAMAÍN 2015

En canto as actividades do Samaín para velas completas visitade a páxina web. Aquí só deixamos unha reseña das distintas actividades que levamos a cabo: decoración de portas, exposición libros desta temática, elaboración de sobremesas monstruosas e como non... gran exposición e acendido de cabazas!, maxistralmente decoradas polas familias. Por certo, destacar o feito de que moitas das cabazas estaban inspiradas na temática da cociña.

PARABÉNS FAMILIAS POLA VOSA PARTICIPACIÓN, COLABORACIÓN E A GRAN IMAXINACIÓN Á HORA DE TALLAR E DECORAR AS CABAZAS.

CABAZAS CIENTÍFICAS

Esta entrada corresponde ás cabazas do Samaín relacionadas co Proxecto Anual da Biblioteca sobre a ciencia. Todas as demais cabazas podedes velas visitando a nosa páxina web.

Científicos, inventos, átomos, universo ...son moitas das ideas que quedaron plasmadas nas numerosas cabazas que as familias achegaron ao noso centro.