8 de marzo: Día internacional da muller.

O Día Internacional da Muller é unha oportunidade para botar a vista atrás e ver os pasos adiante dados cara o logro da igualdade de xénero e o empoderamento das mulleres no mundo enteiro.

Aproveitando esta conmemoración, o Equipo de dinamización da biblioteca da Avelaiona Luiña quere facervos as seguintes recomendacións lectoras. 

  
  

 

Se queredes propoñernos algunha outra recomendación. Por favor! facédenola saber en comentarios.

Ademais, comentarvos que  no noso centro estamos a facer diferentes actividades para darlle visibilidade a todas esas mulleres que deixaron a súa pegada na loita feminista. 

 

8 DE MARZO

 Para conmemorar o 8 de marzo levamos a cabo distintas propostas. 

Neste caso, contamos coa colaboración das familias que caracterizaron ao alumnado de mulleres que destacaron en distintos eidos:

Rosalía de Castro, Malala, Marie Curie, Teresa de Calcuta, María Pita...e moitas máis.

Visualizando o seguinte vídeo, poderedes ver a imaxinación e enxeño que desborda o alumnado deste cole.

A canción que soa é de Sés, acompañada do grupo folck El Diluvi e leva por título: "E TI, SO TI"

Clica na imaxe

DÍA INTERNACIONAL DA MULLER: 8 DE MARZO

Dentro das diversas actividades programadas para celebrar o DÍA DA MULLER, cada neno/a trouxo  ao colexio un zapato vello da súa casa que pertencese a unha muller especial na súa vida  (irmá, nai, ..).

Dentro deles fóronse colocando unhas fermosas plantas que distribuímos   ao longo do xardín do centro. 

Podedes ver un resumo desta actividade no seguinte vídeo con música de Sés: 

" NON SON FADA NIN PRINCESA"

   PARABÉNS! FERMOSA ACTIVIDADE!

Clica na imaxe para ver o vídeo! 

DÍA DA MULLER E DA NENA NA CIENCIA: 11 DE FEBREIRO

MULLERES DESTACADAS NO ESTUDO DO UNIVERSO

Outra das actividades no Día da Muller foi a recompilación de información de mulleres relacionadas CO UNIVERSO. Cada clase confeccionou unHa cartolina coa información e unha ilustración de varias mulleres: Mae C. Jeminson (primeira muller afroamericana en viaxar ao espazo), Hipatia de Alexandría (primeira astrónoma), Wang Zhenyi (a dama dos eclipses lunares), Katherine Jhonson (física e científica que contribuiu a aeronáutica)...
 

 

DÍA INTERNACIONAL DA MULLER

Presentamos as propostas do Equipo da Biblioteca avelaiona Luíña para celebrar o Día Internacional da Muller.