LIBRO JORGE MIRA

Aquí deixamos imaxes do libro que o alumnado preparou para coñecer a Jorge Mira. Cristina e María Vieites de 6º de primaria, mentres tivo lugar a charla, estiveron dobrando un  en formato A3 para agasallar ao profesor Mira.

 

 

JORGE MIRA NA BIBLIOTECA AVELAIONA LUÍÑA

Despois de moitos días de falar, realizar algunhas actividades, visitar a web,...chegou Jorge Mira ao centro. Grazas a colaboración da ANPA e a organización do acto por parte do profesorado do centro, o mércores ás 13 horas...JORGE ESTABA CON NÓS NA BIBLIOTECA.  Realizou unha primeira charla con todo o alumando de primaria na biblioteca. Ao rematar, desprazouse a infantil onde, o alumnado reunido nunha aula,  agardaban a súa visita.

O profesor Mira contou curiosidades acerca do universo e realizou diversos experimentos que engaiolaron ao alumnado.

 

XOGANDO CON JORGE MIRA

O alumnado ademais de visitar a páxina de Jorge Mira para coñecer datos de interese acerca da súa gran traxectoria profesional,  tamén puxo o seu empeño no dobrado deste folio, que cos pasos indicados polos titores/as,  conseguiron elaborar un libriño sobre Jorge Mira.

ESPERANDO A ...JORGE MIRA

O día 18 ás 13 horas temos o gusto de contar na nosa biblioteca coa presenza do físico da USC Jorge Mira. Estamos preparando a súa visita e comezamos coñecendo parte da súa gran actividade no eido científico. Realizamos un sinxelo libro a partires dun folio, que tiñamos que ir pregando ata alcanzar o libro no que aparece o Currículum Vitae de Jorge e a súa gran traxectoria profesional con premios e distincións; sen esquecer a súa faceta como escritor.

 

ALUMNADO DO 2º CICLO REALIZA EXPERIMENTOS

E sen deixar de vista o Proxecto Anual da biblioteca o alumnado de 3º e 4º de primaria realiza experimentos con aire, auga e electicidade na biblioteca para os seus compañeiors/as do 1º ciclo. Resultou una sesión amena e divertida.

EXPERIMENTANDO.- ALUMNADO DE 1º CICLO

O alumnado de 1º ciclo, dentro do proxecto anual da biblioteca, realizou una serie de experimentos. Logo o profe Aleixo, xunto con Óscar de 1º, Marta de 2ºA e Raúl de 2ºB pasaron polas clases do 2º ciclo explicándolle e amosándolle aos compañeiros/as as experiencias levadas a cabo co son. Como vén sendo habitual ese tipo de actividades son moi motivadoras e o alumnado aprende dun xeito divertido.

LIBROS NO XARDÍN

Presentación de fondos sobre a ciencia. Pulsa na imaxe para acceder.

ACTIVIDADES CIENCIA

RECOMPILACIÓN DE ACTIVIDADES realizadas en torno ao Proxecto Anual da biblioteca e presentadas nas xornadas das Bibliotecas Escolares. Pulsa na imaxe para acceder. (Dependendo da velocidade de descarga haberá actividades que tarden máis en abrir).

LIBROS NAS ÁRBORES

Coa chegada da primavera o xardín do centro toma máis vida.  Dende a Comisión da Biblioteca queremos trasladar parte da bibliografía empregada no Proxecto sobre a ciencia a esta fermosa paraxe,  facendo así un guiño ao día Internacional do Libro (23 de abril). Unha vez visualizada a PPS realizaremos tarefas variadas e investigaremos a obra e vida de Vivaldi, que pon a nota musical coa fermosísima composición:" A PRIMAVERA".

...UNINDO ESFORZOS!!!... MÁIS CIENCIA.

Toda a Comunidade Educativa unindo esforzos. Neste caso Ana, a compañeira responsable da limpeza do centro, volve a levar a cabo, ao igual que o curso pasado o proceso da metamorfose do verme de seda. Este ano coa axuda de Muñiz, o conserxe do centro, fixo una gran caixa de madeira cun cristal na parte externa para que o alumnado no perda detalle de todo o proceso.

TERCEIRO EXPERIMENTA COA AUGA E CO AIRE

As alumnas e os alumnos de 3º realizaron diversos experimentos para amosar aos seus compañeiros e compañeiras. Realizaron experiencias con correntes de aire; outras, co aire, demostrando que pesa e que ocupa un lugar,...Ao rematar recibiron  marcapáxinas e chapas enviadas desde a Asesoría das Bibliotecas Escolares: "ler ciencia na Biblioteca"

 

LER CIENCIA NAS BIBLIOTECAS ESCOLARES

Como vén sendo costume ao longo dos anos desde o noso ingreso no Plan de Mellora das Bibliotecas Escolares, o alumnado de 6º recibe como agasallo a libreta que, desde a asesoría das bibliotecas escolares, nos envían. Esta semana tras a sesión que realizaron de experiementos, recibiron o agasallo.

O TREN DO PROGRESO

O alumnado do 2º ciclo elaborou este mural sobre os inventos.

O ALUMNADO DE INFANTIL E O PROGRESO

Vemos agora aos máis peques do colexio. Os seus currados disfraces recordan o progreso que supuxo a invención das pilas. Serve tamén para concienciar e  recordar que a reciclaxe é moi importante, debendo levar as pilas usadas aos puntos de recollida, sendo o noso centro un lugar onde, entre outros moitos puntos de reciclaxe, temos tamén o das pilas.

CIENTÍFICOS NO ENTROIDO

Charles Darwin, Galileo Galileo e Alexander Fleming quixeron estar presentes no noso entroido. Cada curso do 1º ciclo recordou ao científico e/ou inventor sobre o que están realizando diversas tarefas relacionadas co Proxecto Anual da biblioteca.  Primeiro curso recordou a evolución das especies (ras, xirafas,...), segundo A ( Galileo rodeado dos seus planetas) e segundo B ( recordando o importantísimo invento da penicilina). VERDADEIROS ARTISTAS!

SEN CIENCIA NON HAI FUTURO!

O alumando do 2º e 3º ciclo de primaria aproveitou o entroido para facer a súa defensa en prol da ciencia. Unha gran marea vermella cargada de inventos, pancartas, slogans e moitas gañas de troula encheron de festa e colorido o colexio. Ao mesmo tempo, seguiron atentos/as ao Proxecto anual da biblioteca en torno á ciencia. Queremos agradecer ás familias a colaboración prestada no deseño de inventos. Verdadeiramente unhas fermosas obras de arte!

QUE VAI PASAR?

Que están preparando Carla, Desi e Adriana?..Ah!...SORPRESA.... Agora tirade conclusións!

LIM CIENCIA 1º CICLO

Elaboramos unha actividade LIM sobre os científicos, pensada para o alumnado do 1º ciclo.

PREZI CHARLES DARWIN .- ALUMNADO DE 1º

 O alumnado de 1º curso traballou sobre dARWIN. Nesta prezi pode verse o que fixeron.

PREZI GALILEO GALILEI .- ALUMNADO DE 2º

O alumnado de 2º curso traballou sobre Galileo. Nesta prezi pode verse o que fixeron.