DÍA INTERNACIONAL DAS PERSOAS CON DISCAPACIDADE

Máis de duascentas cincuenta mil persoas en Galicia teñen algún tipo de discapacidade. Son 4 millóns en toda España. Hoxe, 3 de decembro,  co gallo da celebración do Día Internacional da Discapacidade e coincidindo coa semana do aniversario da Constitución, o Goberno presenta a primeira tradución da Carta Magna á lingua de signos. Este sistema vai permitirlles ás persoas xordas acceder por vez primeira aos contidos da Constitución nas linguas de signos española e catalá con subtítulos.  A celebración do Día Internacional das Persoas con Discapacidade ten por obxecto axudar a entender os dereitos das persoas con discapacidade e os beneficios que se derivarían da integración destas persoas en todos os aspectos da vida política, social, económica e cultural. Nós quixemos poñer o noso gran de area, facendo unhas reflexións en torno ao tema.