ANXO MOURE VISÍTANOS

O venres, 3 de maio o contacontos Anxo Moure visita ao alumnado de Cespón. Nós xa coñeciamos algúns datos da súa labor en prol da Natureza, da paz, da solidariedade,... Sabiamos que tiña unha caseta nunha árbore onde conta contos, unha ciclobiblioteca coa que percorre rúas e camiños ofrecendo historias,...Agora sabemos que abraza as árbores, que fala con elas,...que el mesmo é un carballo con botas, ...Foi unha sesión cargada de risas, de personaxes fantásticos guiados da man do estupendo contacontos.